Tónlistarskólinn í júní

Skrifstofa skólans er opin frá 9:00 – 11:30 virka daga til 20. júní.

Sími: 488 4280

Netfang ritara: tonranrit@tonrang.is

Sími hjá skólastjóra utan skrifstofutíma: 868-9858

Netfang: tonrang@tonrang.is

Hægt er að panta viðtal hjá skólastjóra fram til 30. júní.

Við viljum minna á að staðafestingargjald vegna námsvistar skólaárið 2019 – 2020 verður innheimt í byrjun júlí. Staðfestingargjald er óendurkræft og dregst frá skólagjöldum. 

Drög að skóladagatali fyrir næsta skólaár.

 

Kennaratónleikar Fiðlufjörs í dag – myndir

Í dag fóru fram kennaratónleikar Fiðlufjörs í Hvolnum. Það var boðið uppá tónlistarveislu fyrir þátttakenndur á námskeiðinu, gesti og gangandi.

Flytjendur í dag voru þau Chrissie Telma fiðluleikari, Gróa Margrét Valdimarsdóttir fiðluleikari
Ayisha de Sandino fiðluleikari og Einar Bjartur Egilsson píanóleikari.

Einstaklega ánægjulegt er hversu fallega hinn nýji flygill í Hvolnum hljómaði hjá Einari Bjarti og fiðlurnar allar sömuleiðis. Það er sannarlega nærandi að fá þetta flotta tónlistarfólk í héraðið  og að geta notið tónlistar í þessum góða sal sem Hvolurinn er 🙂

Í dag kl. 17:00 verða svo tónleikar nemenda á námskeiðinu með Grétu Salóme 🙂

Á morgun laugardaginn 8. júní verða aftur tónleikar í Hvolnum. Þar koma fram félagar úr Íslenskum strengjum. Frumflutt verður verk eftir Unni Malín Sigurðardóttur söngkonu og tónskáld o.fl.

https://www.facebook.com/events/350297712289341/

Allir velkomnir!

 

Fiðlufjör 2019 og tónleikar því tengdu þann 7. og 8. júní :-)

Það er okkur sönn ánægja að vera samstarfsaðili Fiðlufjörs sem verður haldið á Hvolsvelli þann 7. – 9. júní. Er þetta í þriðja sinn sem námskeiðið er haldið í skólanum okkar og í Hvolnum. Það er Chrissie Telma Guðmundsdóttir fiðluleikari og fiðlukennari skólans sem hefur veg og vanda af þessum flotta menningarviðburði.  Á hverju ári fær hún til liðs við sig úrvals kennara og hljóðfæraleikara. Í ár koma 30 börn á námskeiðið ásamt foreldrum.

Tvennir tónleikar í tengslum við námskeiðið verða  haldnir í Hvolnum. Þeir fyrri, Kennartónleikar Fiðlufjörs, verða þann 7. júní kl. kl. 12:40 og þeir síðari verða haldnir þann 8. júní kl. 17:00.

Kennaratónleikar Fiðlufjörs þann 7. júní: https://www.facebook.com/events/322763258677574/?notif_t=event_calendar_create&notif_id=1559759872511988

Efnisskrá: 

Villoldo-Mclean
Tango “El Choclo”
Gróa Margrét Valdimarsdóttir, fiðla
Ayisha de Sandino, fiðla
Einar Bjartur Egilsson, píanó

Luis Enrique Casal Rodríguez
Cumbia para dos amigos (2013)
Ayisha de Sandino, fiðla
Chrissie Telma Guðmundsdóttir, fiðla

Einar Bjartur Egilsson
Kyrrð (2019)
Chrissie Telma Guðmundsdóttir, fiðla
Einar Bjartur Egilsson, píanó

Hector Campos Parsi
Sonatina no.2 fyrir fiðlu og píanó
Ayisha de Sandino, fiðla
Einar Bjartur Egilsson, píanó

M. Mclean
Czardas fyrir þrjár fiðlur og píanó
Gróa Margrét Valdimarsdóttir, fiðla
Ayisha de Sandino, fiðla
Chrissie Telma Guðmundsdóttir, fiðla
Einar Bjartur Egilsson, píanó


Tónleikar 8. júní: https://www.facebook.com/events/350297712289341/

Í kynningu segir:

“Íslenskir strengir koma með her strengjaleikara á Hvolsvöll, annað árið í röð, til að spila laugardaginn 8. júní nk. kl. 17. Allir velkomnir í Hvol, tónleikahús á Hvolsvelli til að hlusta og njóta! Hljóðfærin sem spila eru fiðlur, víólur, selló og kontrabassar og einleikur á píanó! Tónleikarnir eru í samstarfi við Fiðlufjör á Hvolsvelli!

Konsertmeistarar: Chrissie Guðmundsdóttir og Gróa Margrét Valdimarsdóttir
Hljómsveitarstjóri: Ólöf Sigursveinsdóttir

Efnisskráin: Nýtt strengjaverk eftir Unni Malín Sigurðardóttur söngkona og tónskáld sem er búsett á Skeiðunum og fæst við tónlist alla daga, Einar Bjartur Egilsson píanóleikari flytur gullfallegan kafla úr hljómborðskonsert eftir Johann Sebastian Bach ásamt hópnum og á boðstólum verður hið magnaða La Folia eftir barokktónskáldið Geminiani. Kannski lítilræði í viðbót frá Skandinavíu. Við hlökkum til að heimsækja staðinn og láta ljós okkar skína í flottum bæ!”