Rytmískt tónlistarnám

  • Vakin er athygli á því að öllu hljóðfæranámi við Tónlistarskóla Rangæinga fylgir nám í  hliðarfögum. Hliðarfögin eru skyldunámsgreinar við skólann og nauðsynlegur hluti námsins til að geta lokið áfangaprófi að fullu samkvæmt Aðalnámskrá. Hliðarfög sem kennd eru í tónlistarnámi við skólann eru: tónfræði, hljómfræði, nótnalestur, tónheyrn, tónlistarsaga, samsöngur, strengjasveit og ryþmískt samspil. Allir nemendur hefja tónfræðinám í hljóðfæratímum en fara síðar í hóptíma.

“Rytmísk tónlist er samheiti yfir djass, rokk og aðrar stíltegundir af afrísk-amerískum uppruna. Nám í rytmískri tónlist hefur nokkra sérstöðu innan tónlistarskóla, einkum vegna þess að um sérhæft nám er að ræða í hljóðfæraleik, tónfræðigreinum og samleik. Uppbygging námsins er þó svipuð öðru hljóðfæranámi og námskröfur sambærilegar en viðfangsefni eru að verulegu leyti frábrugðin þeim sem fengist er við í öðru tónlistarnámi. “

(Úr Aðalnámskrá tónlistarskóla, almennur hluti bls. 20)

Í Tónlistarskóla Rangæinga er kennt á eftirfarandi hljóðfæri samkvæmt rytmískri námskrá:

Hljómborð

Rafbassi

Rafgítar

Söngur

Trommur

*Hafa ber í huga að kröfur námskrár í rytmískri tónlist eru miklar hvað varðar tónnæmi, tónheyrn og raddþroska þeirra sem vilja hefja nám í rytmískum söng. Nemendur sem vilja stunda söngnám eru eindregið hvattir til að hefja nám í hefðbundnu einsöngsnámi skorti þá tónlistarlegan raddlegan þroska til að stunda nám í rytmískum söng. Í hefðbundnu einsöngsnámi eru kynntar hinar ýmsu stíltegundir fyrir nemendum. Í grunnámi fá nemendur jafnframt að syngja dægurlög og lög úr söngleikjum, kennd eru grundvallaratriði í míkrafóntækni o.fl. 

Smellið til að skoða námskrá:  Rytmísk tónlist. Nemendum er sérstaklega bent á að lesa “Tengsl við nám í klassískri tónlist” á bls. 11