Hjartans þakkir til Kvenfélagsins Hallgerðar!

Í gær, þann 30. desember,  á árlegu jólaballi Kvenfélagsins Hallgerðar í Fljótshlíð, færði félagið Tónlistarskóla Rangæinga afmælisgjöf, peningagjöf að upphæð 40.000 kr. Fyrir hönd skólans þakka ég hjartanlega fyrir þessa góðu gjöf og hlýhug í okkar garð. Peningarnir verða nýttir til tækjakaupa í nafni kvenfélagsins. Sannarlega góður endir á góðu ári hjá skólanum okkar. Bestu þakkir einnig til nemenda skólans sem komu fram við þetta tækifæri og Aðalheiðar Margrétar umsjónarmanns rafamagnaðs sampsils á Hvolsvelli.