Síðasta kennsluvika o.fl.

Síðasta kennsluvikan í tónlistarskólanum er hafin. Í þessari viku fara fram stigspróf og forskólatónleikar. Síðasti kennsludagur er 15. maí. Eigi einhverjir kennarar eftir að bæta nemendum upp tíma þá verður það gert á mánudag og þriðjudag í næstu viku.

Skólaslit tónlistarskólans verða 21. maí í Hvolnum. Þau hefjast kl. 17:00. Afhentar verða einkunnir og umsagnir. Einnig verða veittar viðurkenningar fyrir bestu ástundun og hæstu einkunn í áfangaprófum.

Flutt verður stutt ávarp frá skólastjóra og formanni skólanefndar tónlistarskólans.  Skólaslitum lýkur með tónlistaratriðum frá nemendum sem luku áfangaprófum í vor.

Við minnum á að skráning í tónlistarnám fyrir næsta skólaár er hafin. Hægt er að sækja um rafrænt á vef skólans. Allar upplýsingar varðandi skráningar veitir ritari skólans.