Tónleikar á Kvoslæk 30. september kl. 15:00!

Þann 30. September kl. 15:00 verða haldnir tónleikar að Kvoslæk í Fljósthlíð. Tónleikarnir bera yfirskriftina „Belgíski fiðluskólinn“. Á þessum tónleikum flytja Rut Ingólfsdóttir fiðluleikari og Richard Simm píanóleikar glæsilega tónlist eftir Henri Vieuxtems, Henri Wieniawski, Cesar Franck og fleiri. Þetta eru sérstaklega áhugaverðir tónleikar fyrir fiðlu- og píanónemendur. Bæði er dagskráin afar metnaðarfull og þarna eru tveir af okkar bestu og reyndustu tónlistarmönnum að koma fram. Við hvetjum nemendur , kennara og foreldra til að fjölmenna á þessa glæsilegu tónleika í hinni fögru Fljótshlíð.  Nemendur fá frítt inn .