Fréttir

Á dögunum fór Guðrún Markúsardóttir með suzukinemendur sína í ferð til Reykjavíkur. Þau heimsóttu Tónastöðina og léku þar saman á flygla í búðinni.

Þann 17. febrúar síðast liðinn fóru fram Nótutónleikar Tónlistarskóla Rangæinga. Nemendur stóðu sig með mikilli prýði og geta öll verið stolt af sinni frammistöðu. Tónleikarnir voru liður í forvali fyrir Nótuna 2016 sem er uppskeruhátíð tónlistarskóla á Íslandi.

Reykjavíkurferð Tónlistarskóla Rangæinga verður þann 19. maí 2016. Sendur var póstur til foreldra og forráðamanna allra nemenda í einkanámi í síðustu viku og þeir beðnir að skrá börnin í Reykjavíkurferðina með því að senda tölvupóst.

Nemendur foreldrar og forráðamenn athugið! Á morgun, öskudag, er símenntunardagur hjá tónlistarkennurum og því engin kennsla í skólanum.   

Foreldravika verður í Tónlistarskólanum fyrstu vikuna í febrúar. Allir foreldrar ættu að hafa fengið tölvupóst frá okkur þar sem foreldravikan var auglýst. Foreldrar eru þessa viku, sem og reyndar allar aðrar vikur skólaársins, boðin hjartanlega velkomin í tíma til barnanna. Gott er að nota tækifærið í þessari viku og spjalla við kennarana og kanna framvindu námsins, mætingar og það helsta sem fólk vill ræða og varðar tónlistarnám barnsins. Það verður heitt á könnunni og með því á kennarastofunni :-) Ef óskað er er eftir viðtali við skólastjóra þá vinsamlegast sendið póst á tonrang@tonrang.is.  .

  Þann 10. febrúar er endurmenntunardagur kennara og starfsfólks hjá Tónlistarskóla Rangæinga. Fyrirlesturinn verður haldinn í húsnæði skólans á Hvolsvelli. Við bjóðum nemendum, foreldrum og forráðamönnum að skrá sig til þátttöku sér að kostnaðarlausu.

Fyrir áhugasama hefur skjalið "Tónlistarnám og námsmat" verið uppfært með nýrri tölfræði skólaársins 2015 - 2015.